Ministri i Drejtësisë, Ulsi Manja po jep ‘llogari’ në Kuvend për amnistinë penale.
Enkelejd Alibeaj, në interpelancë me Ulsi Manjën për amnistinë penale, i kërkoi të dhëna konkrete në lidhje me përfituesit e dënuar nga GJKKO që kanë përfituar nga amnistia.
Alibeaj tha se mbi 110 deputetë u bënë bashkë për të nxjerrë të korruptuarit nga burgu dhe shtoi se arsyeja e vërtetë e miratimit të amnistisë natën, ishte vetëm për arsye politike.
“Mediat kanë raportuar sipas informacionit të marrë nga SPAK, mbi 100 të dënuar për korrupsion u amnistuan. Një ligj i gatuar në errësirën e natës, në shkelje të procedurës parlamentare, me shpejtësi, pjellë e një pazari transversal të pamoralshëm politik, nxori nga burgu apo uli dënimin e mbi 100 të dënuarve për korrupsion (e me gjasë të tjerë do vijojnë të përfitojnë ditët në vazhdim).
Mbi 110 deputetë u bënë bashkë për të nxjerrë të korruptuarit nga burgu.
Ajo që publiku është i interesuar të dijë është se përzë janë liruar të dënuarit nga GJKKO. Cilët ishin propozuesit. A u konsultuan ndryshimet me institucionet e drejtësisë? Akoma nuk keni publikuar listën e përfituesve.
Sa ishte numri i përfituesve nga të dënuarit e GJKKO. S’dua ta bëj një loj të neveritshëm shifrat, por arsyet e vërteta të miratimit të amendamenteve natën janë politikë. Dihet mirë se cilat janë mesazhet që nëpërmjet kësaj amnistie ju dërguan publikut shqiptar”– tha Alibeaj.
