Prokuroria e Vlorës ka mbyllur hetimet në lidhje me vrasjen me skaf të Jonada Avidas, ngjarje e ndodhur në plazhin e Potamit në Himarë më 2 gusht të vitit 2022.
Duke e vënë nën akuzë për vrasje me dashje, Prokuroria e Vlorës kërkon dënimin me 15 vite brug të ish-policit, Arjan Tase, shkaktarin e ngjarjes tragjike që tronditi opionin publik dy vite më parë.
E mitura Avdia ishte duke u larë në det ku është përplasur fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend.
“Prokuroria pranë Gjykatës sëShkallës së Parë të Juridiksionit të Përgjithshëm, Vlorë, deklaron se provohet se ditën e ngjarjes, në datën 02.08.2022, rezulton se i pandehuri A.T., ka qënë në drejtimin e një mjeti lundrues me dy motorrë dhe pasi ka lënë disa persona në breg të detit, në momentin që është nisur për të dalë nga zona ku notonte shtetasi B.A. me vajzën e tij J.A., mjeti ka marrë shumë shpejtësi duke shkuar në drejtim të tyre dhe në marrjen e kthesës motorrat e tij kanë kapur vajzën e mitur duke e prerë në të gjithë trupin. E mitura J.A. ndërroi jetë në moment.
Në lidhje me të pandehurin A.T., nga analiza e akteve të mirëadministruara gjatë hetimit, kqyrja e vendit të ngjarjes, e pamjeve filmike, provohet të ketë konsumuar elementët e veprës penale të “Vrasje me dashje” parashikuar nga neni 76 i Kodit Penal në formën e dashjes indirekte”, thuhet në njoftimin e Prokurorisë.
