Juristi Ylli Manjani ka bërë një postim rreth gjyqtarëve dhe prokurorëve në rrjetet sociale, nisur nga rasti i gjyqtares Irena Gjoka për të cilën mediat greke publikuan dokumentin ku vërtetohet se është dëbuar nga vendi fqinj në vitin 2002 për shkak se kishte përdorur një vizë të falsifikuar dhe për këtë shkak iu ndalua hyrja për 12 vite në vendet e zonës Shengen.
Manjani shkruan se në Shqipëri të gjithë ata gjykatës ose prokuror që i kanë shërbyer pushtetit në fund e kanë ngrënë dhe vetë gjithmonë. Sipas tij, ata e kanë pësuar gjithmonë në të njëjtën mënyrë siç ua ka futur të ndëshkuarve për llogari të pushtetit.
“Nuk njoh asnjë gjykatës apo prokuror që ti ketë shërbyer pushtetit dhe të mos e ketë ngrënë dhe vetë në fund.
E ka ngrënë me të njëjtën mënyrë siç ua ka futur të ndëshkuarve për llogari të pushtetit. Është bërë gjithmonë sebep diçka.
Dhe të mendosh se ka akoma të tillë që vijojnë t’i shërbejnë pushtetit, është të ulërasësh!
Si ka mundësi që nuk zenë mend!” – shkruan Manjani
