Një plagosje me thikë ka ndodhur në qytetin e Beratit.
Një 35-vjeçar është proceduar penalisht në gjendje të lirë, pasi ka goditur me thikë në këmbë një të ri, pasi bashkëshortja e 30-vjeçarit i ka gërvishtur makinën motrës së autorit.
Po ashtu edhe bashkëshortja e të plagosur, do të ndiqet penalisht nga autoritetet.
“Shërbimet e Komisariatit të Policisë Berat referuan materialet në Prokurori, ku nisi procedimi në gjendje të lirë për shtetasin G. Q., 35 vjeç, banues në Berat, pasi ditën e djeshme, dyshohet se ka dëmtuar në këmbë, me mjet prerës (thikë), një 30-vjeçar. Gjithashtu, u referuan materialet në Prokurori, ku nisi procedimi në gjendje të lirë për bashkëshorten e 30-vjeçarit, shtetasen R. M., pasi dyshohet se i ka dëmtuar automjetin motrës së shtetasit G. Q.”, njofton policia.
