Oficerët e Komandës Provinciale të Trentos, pasi Gjykata e Trentos dha urdhër për sekuestrimin e pasurisë prej 10 milionë euro, kanë zbatuar masat për 38 të dyshuarit.
Në pranga e policisë kanë përfunduar 27 persona në burg ndërsa 11 personat e tjerë janë lënë në arrest shtëpie. I gjithë aksioni është kryer në Trento, Torino, Milano, Bergamo, Brescia, Bolzano, Verona, Pavia, Kremona dhe Livorno.
Të arrestuarit janë 36 shtetas të huaj (shqiptarë, tunizianë, marokenë dhe portugeze), të mbajtur në cilësi të ndryshme përgjegjëse se kanë marrë pjesë ose kanë bashkëpunuar në dy grupe kriminale, të cilat, të ndërlidhura mes tyre, ishin të përfshirë në trafikimin e lëndëve narkotike (kokainë, hashash, marijuanë dhe heroinë.
Mediat italjane shkruajnë se shitja e lëndës narkotike zakonisht bëhej në Trento dhe Rovereto, pranë ose brenda parqeve dhe kopshteve publike dhe synonte një rrjet të dendur klientësh, madje edhe të moshave të reja. Janë sekuestruar mbi 49 kg hashash, 20 kg kokainë, mbi 5 kg heroinë, afërsisht 12 kg lëndë prerëse, 1 armë zjarri, para cash për mbi 111 mijë euro dhe materiale të ndryshme për paketimin e drogës.
