“Rritja e kujdesit” rekomandohet nga SHBA për qytetarët e saj që vizitojnë Gjermaninë, për shkak të rrezikut të akteve terroriste, veçanërisht në kuadër të Kampionatit Evropian të Futbollit. Kanadaja ka lëshuar tashmë një paralajmërim të ngjashëm për qytetarët e saj.
Në faqen e internetit të Departamentit të Shtetit, Gjermania tani është “përmirësuar” nga kategoria 1 për “kujdes normal” në 2 për “kujdes të shtuar”, duke vënë në dukje se “grupet terroriste janë ende duke planifikuar sulme në Gjermani” dhe “terroristët mund të sulmojnë pa paralajmërim dhe mund të synojnë zonat turistike dhe qendrat e transportit, gjithashtu tregjet, qendrat tregtare dhe objektet e qeverisjes vendore, hotelet, klubet dhe restorantet, vendet e kultit, parqet dhe ngjarjet kryesore sportive dhe arti, shkollat, aeroportet dhe vende të tjera publike”.
Gjermania do të presë Kampionatin Evropian të Futbollit nga 14 qershori deri më 14 korrik, ndërsa Berlini pret finalen e katër të basketbollit të klubeve më 23-25 maj.
