Nënkryetari i Këshillit Bashkiak të Tiranës, Dorian Teliti ka komentuar vendimin për të mbajtur mbledhjen ‘online’.
Në një pronocim për mediat, Teliti u shpreh se qëllimi është që të mbyllin mbledhjen në 313 sekonda dhe të shmangin llogaridhënien.
Më tej ai u shpreh se fjalën e lirë dhe shpirtin opozitar nuk e ndalojnë dot as me policinë e pushtetit as me shtetin policor.
“Këta kanë anulluar mbledhjen e zakonshme të këshillit bashkiak, ne duam të marrim pjesë edhe në mbledhjen online, por të hapin dyert e bashkisë, të lejohen këshilltarët të hyjnë brenda. Por ato duan që të mbyllin mbledhjen për 313 sekonda, pasi nuk duan të japin llogaridhënie. Shembulli më i keq kundër interesit të popullit”, tha Teliti, duke iu referuar Veliajt.
