Një ngjarje e rëndë raportohet të ketë ndodhur në Gjermani këtë të diel, ku një 52-vjeçar shqiptar ka qëlluar me armë zjarri drejt një 38-vjeçari duke e lënë të vdekur në vend.
Ngjarja ka ndodhur në qytetin e Duseldorfit, dhe fillimisht dy shtetasit janë konfliktuar me njëri-tjetrin brneda ambjenteve të një lokali dhe më pas kanë dalë jashtë për të zgjidhur debatin. Por konflikti ka degraduar deri në përdorimin e armëve dhe ka rezultuar fatal për pronarin e lokalit 38-vjeç.
Sipas raportimeve të mediave vendase pasi ka vrarë 38-vjeçarin, shqiptari është kthyer sërish në lokal dhe ka kërcënuar klientët e tjerë.
Aktualisht është e paqartë nëse autori dhe viktima njiheshin me njëri-tjetrin, dhe ende nuk dihet shkaku i debatit. Autoritetet kanë nisur hetimet lidhur me rastin.
