Kryetari i Partisë së Lirisë, Ilir Meta ka folur me tone të ashpra ndaj ndërkombëtarëve gjatë fjalës së tij në Konventën Kombëtare.
Ilir Meta u shpreh se ambasadorin e Italisë do e kishte shpallur ‘non grata’ në Shqipëri, por theksoi se nuk e bëri për shkak të marrëdhënieve me Italinë.
“Që mendojnë se ne jemi popull pulash, që na thonë shkelni kushtetutën e bëjeni fërtele. Të dali ambasadori i Italisë dhe të diskutojë dekretin e presidentit të republikës. Do e kisha shpallur non-grata, por vetëm prej marrëdhënieve me Italinë nuk e bëra”, theksoi Meta.
Kreu i PL-së deklaroi se nëse një diplomat diskuton dekretin e Bajram Begaj “unë i pari do dal përpara ambasadës do mbledh njerëz”.
Ilir Meta: “McGonigalët kujtojnë se ne jemi popull pulash që na thonë shkelni kushtetutën e bëjeni fërtele. Kështu e bëni në vendet tuaja? I betoni anëtarët e Gjkykatës Kushtetuese tek Lana? E zgjidhni Prokurorin e Përgjithshëm me 69 vota nga 84 që ka Kushtetuta Nuk bëhen në një vend europian këto në vend anëtar. Prandaj respektin për partnerët që na respektojnë si popull, turp për McGonigalët.
Të dali ambasadori i Italisë dhe të diskutojë dekretin e presidentit të republikës. Do e kisha shpallur non-grata, por vetëm prej marrëdhënieve me Italinë nuk e bëra. Nëse një ambasador diskuton dekretin e Bajram Begaj unë i pari do dal përpara ambasadës do mbledh njerëz. Sovraniteti i përket popullit. Nëndetësja 105 do kthehet në bazë. Kushtetuta do kthehet atje ku ishte. Të gjithë do kenë fatin e Dvoranit.
Të jeni të sigurt se nuk është vepër e sekretarit të shtetit. Është vepër e McGonigalëve. Nuk i kanë thënë se ka qenë hetues, që futi në burg ata që rrëzuan bustin e Stalinit. Ai ka kuptuar, se po ta kishte bërë me bindje do ta kishte takuar Dvoranit. Mirë dakord unë u çmenda, po ti torrollak pse i dhe 7 vota Dvoranit. Si mundet këtë hero të antikorrupsionit të mos e çoje në GJK.”
- Meta: Detin nuk ma ka falë gjyshi, po deshe të jap shtëpinë time
Gjitahshtu Ilir Meta ka zbardhur takimin e tij të parë pasi mori postin e Presidentit të vendit, me ambasadoren greke në atë kohë, Eleni Surani.
Meta tregoi se ambasadorja i kishte sjellë në vëmendje çështjen e detit me Greqinë, për të cilin nuk ishte arritur asnjë marrëveshje, ndërsa i ishte përgjigjur se “detin nuk ma ka falë gjyshi, nuk është i imi, po të doni shtëpinë time, atë ua fal”.
Po ashtu, pjesë e kërkesave të ambasadores Surani, sipas Metës ka qenë edhe dhënia e shtetësisë shqiptare Anastas Janullatosit.
“Ti nuk do ikësh pas asnjë sukses i thash, se problemi i Fortlumturisë do zgjidhet”, tha ai.
Ilir Meta: “Kur më erdhi ambasadorja greke, Eleni, në takimin e parë si president, më tha ‘si do iki unë nga Shqipëria, çështjen e detit jo, çështjen e shtetësisë së Fortlumturisë jo’, dëgjo i thash, tek kjo e detit nuk ma ka falë gjyshi, nuk është i imi, po të doni shtëpinë time, atë ua fal. Aty është Kushtetuta dhe ka një vendim të Gjykatës, dhe unë dua ta zgjodh në interes të dy vendeve. Ti nuk do ikësh pas asnjë sukses i thash, se problemi i Fortlumturisë do zgjidhet, se çdo gjë është përdorur si një sajesë politike, të shkonte ai 90 vjeç në polici, apliko në komisariat, e kërkon procedura thoshin. Erdhi zotëria, për një javë u zgjidh çështja”
