Lulzim Bashës i është përgjigjur në mënyrë indirekte deklaratave dhe akuzave të kreut të PL, Ilir Meta.
Përmes një videoje të publikuar nga zëdhënësja e Bashës, Mirela Karabina, ata kanë rikujtuar akuzat e Metës dhe Sali Berishës ndaj njëri-tjetrit.
Mes këtyre të fundit spikat momenti kur Meta i thotë Berishës nga ulësja e Kryetarit të Parlamentit se nuk e jep dy herë dorëheqjen për Shkëlzenin, duke iu referuar të birit të ish-kryeministrit.
“Ky është Ilir Meta ose Ilir Metaj. Koha kur ai ushqehej me “ gjakun” e demokrateve ka marrë fund. Hallet e tij nuk janë dhe nuk do të jenë kurrë hallet as të Shqipërisë, e as të shqiptarëve”, shkruan zëdhënësja e Bashës teksa poston videon më poshtë:
