Gjykata e Lartë nuk ka pranuar rekursin e Fredi Belerit, për të bërë betimin si kryetar i zgjedhur i Himarës.
Beleri ndodhet në qeli prej muajit maj 2023 i akuzuar për blerje votash. Kërkesat e tij për t’u liruar nga qelia dhe për t’u betuar si kryebashkiak i Himarës, pasi fitoi zgjedhjet vendore të 14 majit, janë refuzuar nga shkallët e gjyqësorit.
Gjykata e Posaçme për Korrupsionin dhe Krimin e Organizuar e ka shpallur fajtor më 5 mars kryebashkiakun e zgjedhur të Himarës për blerje votash duke e dënuar me dy vite heqje lirie.
Ndërsa bashkëpunëtori i tij, Pandeli Kokaveshi u dënua me tre vite shërbim prove.
