Një aksident është regjistruar paraditen e kësaj të mërkure në Lungomare të Vlorës.
Një automjet tip “Golf” është përplasur me një tjetër mjet tip “Ford”, e si pasojë ka mbetur i plagosur një person.
Shkak për aksidentin dyshohet të ketë qënë shpejtësia tej normave të lejuara, ndërsa nga përplasja janë shkaktuar dëme të konsiderueshme materiale.
Ndërkohë grupi hetimor ndodhet në vendngjarje dhe po punon për zbardhjen e plotë të ngjarjes.
