Policia e Kukësit ka identifikuar pesë persona, të cilët një ditë më parë u përfshin në një sherr fizik për motive të dobëta në mes të rrugës.
Për pasojë policia ka nisur hetimet për njërin prej tyre ndërsa 4 të tjerët janë shpallur në kërkim.
Konkretisht, ka nisur hetimi për 40 vjeçarin E.E, ndërsa në kërkim për veprën penale “Dëmtime të tjera me dashje” janë shpallur Q. M., 29 vjeç, I. M., 30 vjeç, U. E., 46 vjeç dhe A. E., 48 vjeç.
Ndërkohë, bëhet me dije se ka nisur ecuria disiplinore ndaj specialistit të rendit public të komisariatit të Kukësit, nënkomisarit A.E dhe oficerët e patrullës së përgjithshme, inspektorët G.T dhe G.M të cilët dyshohet se nuk kanë përmbushur detyrën e tyre duke mos ndërhyrë për parandalimin e ngjarjes.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës.
