Sindikatat kanë dalë në protestë para bashkisë së Tiranës për mos ekzekutimin e vendimeve gjyqësore.
Bëhet fjalë për ish-punonjës të ish-parkut të autobusëve të cilët kanë punuar për vite me radhë dhe që janë ngritur në protestë para bashkisë, pasi kërkojnë ekzekutimin e vendimeve të gjykatës për të marrë pagat dhe paratë që iu takojnë.
Një javë më parë ata protestuan para presidencës, ndërsa sot para bashkisë. Më konkretisht janë rreth 40 punonjës që janë dhënë vendimet e gjykatës për pagat që duhet të marrin pas, por ende nuk janë ekzekutuar. Në mbështetje të tyre është kryetari i sindikatës Gëzim Karanxha, shoqëruar me faturino dhe shoferë autobusësh dhe se vendimet janë dhënë në 2014-2015.
Ende këto vendime gjykate nuk janë ekzekutuar dhe për pasojë ata nuk kanë marrë para. Karanxha tha se korrupsioni është një plagë që po gërryen vendin tonë dhe se shkatërroi edhe ndërmarrjen ku ata punonin.
“Vendimet për pushimet e paligjshme, nuk janë ekzekutuar, zyra përmbarimore si ajo shtetërore dhe private nuk kanë mundur të ekzekutojnë vendimet. U jemi drejtuar gjithë institucioneve për të ndërhyrë për ekzekutimin e vendimeve të gjykatave të formës së prerë. Duhet të ekzekutohen nga bashkia Tiranë, por duam të paguhen. Mund të jenë rreth 40 persona që me vendime gjykatash kanë përfituar shuma të ndryshme, disa kanë ndërruar jetë, disa mund të jenë dhe jashtë, ka mbi 10 vjet që ky institucion nuk i jep këto shuma. Bashkësia e sindikatave i është drejtuar Presidentit si kreu i KLD, ministrit të Drejtësisë, Avokati i Popullit, këta bëjnë lojëra duke ia kaluar zyrës përmbarimore shtetërore. Tani po luajnë ping pong jo zyra përmbarimore shtetërore, jo përmbarimi privat. Thonë që janë penguar lekët nga bashkia. Shumat janë të ndryshme. Janë 6. 7, 8, 12 milionë, varet nga vendimet”, tha ai per mikrofonin e MCN.
