Kreu i grupit të këshilltarëve të opozitës në Këshillin Bashkiak të Tiranës, Ilir Alimehmeti, ka deklaruar mbrëmjen e sotme se Erion Veliaj është hajduti më i madh i Tiranës.
Gjatë fjalës së tij në tubimin qytetar poshtë banesës së ish-kryeministrit Berisha, Alimehmeti tha se misioni i tij është të vjedhë, grabisë dhe korruptojë.
“Këta hedhin metastaza, që quhen investitorë strategjikë në rastin e këtyre të Bashkisë së Tiranës”,– shprehet mes të tjerash Alimehmeti.
Alimehmeti: “Njësoj si kanceri këta vjedhin çdo fond public përmes inceneratorit fantazëm, përmes ‘5D’, përmes çdo gjëje. Këta janë aty vetëm për një 1 mision: të kapin çdo gjë, të pushtojnë çdo hapësirë të Tiranës, mendojnë vetëm të gllabërojnë çdo gjë. Misioni i tyre është të vjedhë, të grabisë dhe të korruptojë. Me kancerin çfarë duhet të bëjmë? Ikën vetë kanceri? Kanceri duhet hequr një orë e më parë. Ndaj kjo është arsyeja pse jemi sot këtu dhe nesër do të jemi para Bashkisë së Tiranës”.
