Moti i keq me rrebeshe shiu qe pushtoi vendin paraditen e kësaj të mërkure, ka shkaktuar përmbytje në shumë qytete, por problemet më të shumta janë raportuar në Tiranë.
Kanë mjaftuar vetëm disa orë shi që rrugët e kryeqytetit të përmbyten. Uji ka vërshuar në rrugët me kanalizimet e bllokuara duke shkaktuar vështirësi në qarkullimin e mjeteve dhe qytetarëve.
Një foto e publikuar nga JOQ, nga zona e “Kopështit Zooligjik” tregon edhe gjendjen skandaloze me të cilën janë përballur qytetarët në kryeqytet.
Në foto shihet se si një vajzë, në pamundësi për të kaluar rrugën e cila është mbushur me ujë, ka hipur në kangjëllat e murit rrethues të kopështit zoologjik për të kaluar rrugën.
Ajo kacavirret me një qese në dorë, anash murit për të kaluar atë pellg me ujë. Vlen të theksohet se kjo nuk është hera e parë që kryeqyteti përmbytet në vetëm pak orë shi, duke nxjerrë kështu “sheshit” mashtrimet e propagandën e Veliajt.
