Kreu i Partisë së Lirisë, Ilir Meta ka shpërthyer në akuza ndaj kreut të SPAK, Altin Dumani, duke e konsideruar si frikacak dhe mbrojtës të pandëshkueshmërisë së Edi Ramës.
Sipas Metës, Dumani duhet të japër dorëheqjen për deklaratën e papërgjegjshme se gjykata miraton çdo kërkesë të Prokurorisë së Posaçme.
Ai tha se është në përgjim nga SPAK, por u shpreh i sigurt se nuk do të gjejnë asnjë provë kundër tij, as në çështjen CEZ-DIA. Meta tha se SPAK-u merret me të për llogari të krimit të organizuar.
“SPAK le të hetojë çfarë të keqe qejf, po të dojë lë të vijë këtu. SPAK le të bëjë cfarë të dojë. SPAK torollaku, Partinë e Lirisë nuk e sekuestron dot. Zero çështje te CEZ-DIA. Se si flas unë për ata e dinë shumë mirë, sepse më përgjojnë telefonin. Unë nuk e kam personale me të (Altin Dumanin), ai më përmendi tre herë mua gjatë konferencës me gazetarët.
Ai më merr të keqen mua. As më kërcet farë për atë mua. Ai është një frikacak, është një mbrojtës i pandëshkueshmërisë së Edi Ramës. Atij i dridhet goja, ai duhet të japë dorëheqjen për atë deklaratën idiote, të papërgjegjshme që ka bërë kur thotë “afërmendsh gjykata do vendosë atë që kërkon Prokuroria”. Ky është një bandit, ky ka një mentalitet policesk.
Dumani i thotë gazetarëve se do të ketë surpriza për çështjen e bukës për Arben Ahmetaj. SPAK le të marrë të pandehur edhe Sashën, gjënë më të pafajshme të familjes sonë. Le të bëjnë çfarë të duan. Por në rast se prokurori nuk vepron për denoncimin e fundit, për ndërhyrjen në Partinë e Lirisë , do të mbajnë përgjegjësi.
SPAK është organizatë politike, që merret me Sali Berishën për të shkatërruar opozitën e djathtë. Që merret me Ilir Metën për llogari të krimit të organizuar, kur koka e krimit të organizuar është vetë Edi Rama.”
