Dalja e radhës e lidertit demokrat Sali Berisha në ballkonin e banesës së tij ku ndodhet në arrest shtëpie, ishte një tjetër thirrje për qytetarët.
Vijoi akuzat kundër Edi Ramës, e konsideroi atë hajdutin më të madh të qytetarëve, ndërsa tha se shprsa e vetme për ta rrëzuar nga pushteti, është mosbindja civile.
Berisha rikujtoi aferat për të cilat qeveria Rama është vënë nën akuzë, kujtoi vjedhjet e shumta që I janë bërë taksave, ndërsa shtoi se shpresa e vetme është rebelimi.
Pjesë nga fjalimi i Berishës
Qytetarët shqiptarë janë qytetarët më të vjedhur, janë qytetarët më të gjobitur, sepse punët publike që ndërtohen në këtë vend, ndërtohen me një çmim 5 herë, 10, 15 herë më të shtrenjtë se në çdo vend tjetër evropian.
Ju keni dëgjuar se si, rruga Ibë-Farkë kushtoi 30 milionë euro kilometri, ndërkohë që tuneli i Kërrabës që u ndërtua më parë kushtoi 13-14 milionë euro kilometri.
Ju keni dëgjuar se unaza e Tiranës shkon 24 milionë euro kilometri.
Ju keni dëgjuar se si, çmimi i rrugës Kardhiq-Delvinë nga 700 mijë euro që ishte në kilometrat që u ndërtuan para vitit 2013, kaloi në 5 milionë euro në kilometrat që u ndërtuan pas vitit 2013.
Ju keni dëgjuar se si rruga Ersekë-Korçë nga 800 mijë euro kilometri, në 18 kilometrat e para që u ndërtuan para vitit 2013, kaloi në 5 milionë euro pas vitit 2013.
Miqtë e mi!
Për të gjobitur qytetarët shqiptarë dhe për ti vjedhur në këtë mënyrë, ata këto mostra të pangopur, çfarë bënë?
Kanë dy taktika. Së pari përjashtuan totalisht ndërtuesit e mëdhenj të rrugëve në Europë.
Ne me firmat më të mëdha Europiane, nga Hani i Hotit në Gjirokastër dhe kudo, ndërtuam rrugët me çmime 5-8 herë më lirë me firmat më të mira evropiane.
Shikoni se çfarë bëjnë hajdutët tuaj dhe të shqiptarëve, qeveritarët hajdutë.
Kanë krijuar rregulla të cilat me të famshëm e-Albania, i përjashtojnë të huajt nga pjesëmarrja. Shpallin tenderin për 30 ditë ndërkohë që afati për të përkthyer dokumentet për firmat e huaja nga momenti i shpalljes së tenderit në e-Albania, është 38 ditë.
Prandaj dhe rrugët shemben, qytetarët vidhen.
Prandaj dhe nuk ka rrugë të përfunduara.
Por si mund të bësh këtë, si mund të pengosh kompanitë që ndërtuan Europën të ndërtojnë në vendin tënd.
A është kjo një shkelje flagrante e marrëveshjes së Stabilizim-Asociimit, dhe pse? Për të vjedhur, për të vjedhur. Berisha: Sot shpresa e vetme jemi ne. Zemërimi qytetar, revolta qytetarë, mosbindja qeveritare janë armët tona në betejën e fitores
Vjedhjet dhe gjobat ndaj qytetarëve shqiptarë janë më të mëdhatë në Europë dhe botë. Ndaj dhe fondet publike ose vidhen 100 për qind si në bashkinë e Tiranës, ose vidhen 100 për qind si në djegësin e Tiranës, ose vidhen 80 për qind të tyre në të gjitha punët publike të Shqipërisë.
A do të qëndrojmë ne njerëzit më të vjedhur?
A do të qëndrojmë ne njerëzit më të gjobitur?
Jo kurrë, jo kurrë.
Sot shpresa e vetme jemi ne.
Zemërimi qytetar, revolta qytetare, mosbindja qeveritare janë armët tona në betejën e fitores.
Mos harroni miq!
E theksoj edhe njëherë se në Shqipëri narkodrejtësia po zbaton pikë për pikë, modelin e narkodrejtësisë së Kolumbisë.
Në Kolumbi, që sot Shqipëria rëndom quhet Kolumbi e Europës, arrestoheshin ushtarë, operativë të trafiqeve, por nuk prekej kurrë Escobari, nuk prekej kurrë kupola e kartelit.
E njëjta gjë ndodh edhe në Shqipëri.
