Debati në Kuvend për mandatin e deputetes socialiste Olta Xhaçka, dhe protesta e thirrur para Bashkisë së Tiranës, për dorëheqjen e kryebashkiakut Veliaj janë kryefjala e ditës së sotme.
Por pavarësisht skandaleve të vartësve të tij, ku njëri akuzohet se ka përfituar mijëra euro përmes kompanisë “5D”, dhe tjetra ka bërë burrin e saj investitor strategjik, Kryeministri i vendit siç është bërë traditë tashmë do të arratiset jashtë Shqipërisë. Sipas raportimeve ai do të zhvillojë një vizitë zyrtare dy-ditore në Paris.
Kjo është e disata herë që kryeministri Rama u shmanget protestave dhe aksionit opozitar, nuk dihet nëse kryeministrit i bien takimet rastësisht në datat që opozita zhvillon protestat, megjithëse kjo është e dyshimtë.
