Nënkryetari i Këshillit Bashkiak të Tiranës, Dorian Teliti ka folur në lidhje me çështjen e korrupsionit me kompaninë ‘5D’ të drejtorëve të Erion Veliajt.
Teliti deklaroi se kjo skemë e sofistikuar ishte ngritur për të vjedhur paratë e buxhetit të Tiranës dhe për këtë arsye, Erion Veliaj duhet të mbajë përgjegjësi penale, e jo vetëm politike.
“Sali Berisha mbahet në ‘arrest shtëpie’. Për të mbajtur një person të thjeshtë, e jo më kreun e opozitës, deputetin e parlamentit, duhet që ai të mos arratiset, dhe ai ka treguar se nuk arratiset, të mos ketë mundësi të ndikojë në hetime dhe mos të prishë provat, dhe në këto 30 vite e ka treguar se nuk i bën.
Nga ana tjetër kemi Erion Veliajn i cili akuzohet si vetë autoritet kontraktor i bashkisë Tiranë dhe është ai vetë që firmos kontratat.
Edhe kur u pyet dje se kush është autoritet kontraktor, i bëri bisht përgjigjes, sepse e ka emrin Erion Velaij që është kryetari i bashkisë. Ai sot është në krye të bashkisë, është në zyrën e tij, mund ti prishë provat në protokollin e tij dhe në institucione në varësi.
Jo ai është i lirë. Ne në këshillin bashkiak kërkojmë një gjë shumë të thjeshtë; stop detyrës tënde sot, sepse në menaxhimin tëndë ‘i nderuar’ Erion Veliaj janë vjedhur paratë e buxhetit të Tiranës, vetë ju keni firmosur kontrata me firma të sajuara nga drejtorët e tu, të cilët kanë marrë 30 mln euro në 29 tendera dhe janë para që ujësjellësi në vend që ti çonte për ujin, i çonin në xhepin e tyre.
Kishim dëgjuar afera me 5-10 përqindësha, por afera me 100% nuk kishim dëgjuar ndonjëherë. Kjo skemë e re e ngritur, e sofistikuar dhe e mbështetur nga të gjitha instancat e bashkisë nga kreut tek nënpunësit, ku drejtorët dhe shefat e sektorëve, i çanin hallin se si e si të paguheshin lekët sa më shpejt, që paratë të merreshin e vidheshin nga buxheti.
Përgjegjësi jo thjeshtë politike, por si drejtues financiar i bashkisë së Tiranës, Veliaj duhet ta mbajë’, tha ndër të tjera Dorian Teliti në SYRI TV.
