Një shpifje dhe një gënjeshtër të madhe. Kështu i konsideronte dikur me zë dhe me figurë kryebashkiaku i Tiranës Erion Veliaj denoncimet e rivalit të tij për Bashkinë e Tiranës, Belind Këlliçit, denoncimin për aferën “5D”.
Gjatë kohë së fushatës elektorale të zgjedhjeve të fundit lokale, Erion Veliaj, i ftuar në emisionin “Opinion” mbrojti drejtorët e tij hajdutë, që sipas SPAK, kanë përfituar miliona euro tendera nga Bashkia e Tiranës.
Por, dikur Veliaj tha se kishte bërë verifikimet e tij dhe se nuk i rezultonte kështu. SPAK tha se nga hetimet ka rezultuar se dy drejtorët Redi Molla dhe Mariglen Qato janë pronarët “de fakto” të kompanisë “5D Konstruksion”, por Veliaj deklaronte dikur se kjo nuk është e vërtetë.
Madje Erion Veliaj paralajmëronte padi për shpifje për Belind Këlliçin, ku nuk dihet nëse e ka depozituar vërtet në SPAK apo ajo.
“Jam informuar për rastin dhe ka vajtur një akuzë për shpifje në Prokurori, për këto raste. Edhe gjysma e Klanit, burra dhe gra, të punojnë në bashki, por unë nuk iu mbaj pishtarin njerëzve. Në qoftë se një njeri ka filluar që në kohën e Lul Bashës, një në kohën e Edi Ramës dhe një tjetër ka filluar me një kontratë të Bashkimit Europian, unë nuk mbaj këtu pishtarin. Por, ajo që iu kërkoj të gjithëve është të bëjnë atë që bëj unë. Unë i çoj të gjithë në Prokurori, unë kam çuar Saliun për iranianët për shpifje në Prokurori, kam çuan Monikën për shpifje në Prokurori, Gridën, Jordiën, Albana Vokshin dhe i kam fituar të gjitha. Dhe për sa kohë, të gjitha procedurat se kush punon ku, kush është ndarë me kë, kush është vjehërri i kujt, unë pishtar nuk i mbaj njeriu. I çoj të gjitha shpifjet në Prokuroi, do pres gjykatën.
A është aksioner në një kompani drejtori i bashkisë që merr 19 milionë euro tendera?
Mua nuk më rezulton kështu dhe më rezulton një gënjeshtër shumë e madhe dhe pikërisht se nuk është kështu më vjen mirë që tashmë ka filluar procedura ligjore dhe unë them do presim. Kjo është e gjitha një shpifje. Koha kur gjykata bëhej nëpër studio, ka mbaruar. Përsakohë që zotëria, që nuk është fare, s’ështl fare, s’ka lidhje e ka çuar në Prokurori, atëhere, ftesa për kundërshtarët tanë është pse nuk shkoni në Prokurori?” – shprehej Erion Veliaj.
Sot kryebashkiaku i Tiranës doli para kamerës dhe mikrofonit të tij, ku tentoi të shfajësohej dhe kërkonte ta kalonte përgjegjësinë individuale.
