Edhe pse sot është e premte, një ditë normale pune, Erion Veliaj i ka vënë zinxhirin dhe drynin derës së Bashkisë së Tiranës. Nuk dihet nëse administrata isjhte brenda godinës së bashkisë apo jo.
Anëtarët e opozitës në Këshilli Bashkiak të Tiranës kanë kërkuar që të futen brenda Bashkisë së Tiranës për të depozituar një kërkesë për informacion për vjedhjen me aferën “5D” dhe të kërkonin mbledhje urgjente të Këshillit Bashkiak por nuk janë lejuar nga efektivët e Policisë.
Erion Veliaj gjatë kohës së protestës nuk ndodhej në godinën e bashkisë. Anëtari i Kryesisë së PD-së, Belind Këlliçi tha se në kohën që po protestojnë qytetarët, Veliaj po shkon të drekojë me pjesën tjetër të bandës së “5D”-së në restorantin e Narit në Lundër. Ai e konsideroi Narin si një bandit që ka grabitur tokat e fshatarëve.
“Ndërkohë që ne jemi këtu në protestë, ndërkohë që anëtarët e këshillit bashkiak kërkojnë informacione për vjedhjet që kanë ndodhur, ndërkohë që jemi në ditë pune dhe anëtarët e këshillit bashkiak kanë gjithë të drejtën ligjore për t’u future në Bashkinë e Tiranës, a e dini ku po shkon Erion Veliaj? Po shkon të drekojë me pjesën tjetër të bandës së ‘5D’-së në restorantin e një banditi tjetër, administratorit të njësisë Farkë, Narit të Lundrës që nuk ka lënë tokë të fshatarëve e qytetarëve pa grabitur”, u shpreh Këlliçi.
