Një aksident automobilistik është regjistruar mëngjesin e kësaj të enjte në Shkodër.
Autoritetet policore raportojnë se automjeti me drejtues shtetasin E. M., 29 vjeç, ka përplasur shtetasin P. N., rreth 70 vjeç, i cili po lëvizte me biçikletë. Ngjarja ka ndodhur rreth orës 08:40, në rrugën “Gjuhadol”.
70-vjeçari ka mbetur i plagosur dhe është dërguar në spitalin el Shkodrës. Bëhet me dije se ai ndodhet jashtë rrezikut për jetën.
Grupi hetimor po punon për sqarimin e rrethanave të aksidentit.
