Një ngjarje e pazakontë ka ndodhur këtë pasdite në Tiranë, në rrugën “Bardhyl”.
Një burrë i ka dalë para autobusit të linjës së Unazës dhe ka qëndruar për disa minuta duke refuzuar të largohej. Si pasojë është krijuar trafik në gjithë aksin e rrugës.
Bashkë me trafikun rasti ka krijuar edhe kaos mes shoferëve, pasi kanë qëndruar disa minuta pa lëvizur duke i rënë borive të makinave, duke shqetësuar edhe kalimtarët e rastit apo banorët e zonës.
Është dashur ndërhyrja e policisë për të larguar nga rruga burrin, i cili dyshohet se mund të ketë qënë në gjendje të dehur.
