Një ngjarje e rëndë ka ndodhur këtë të shtunë në vendin e quajtur “Maja e Jezercës”.
Një turiste nga Kroacia e cila ishte duke vizituar bashkë me grupin e saj terrenin e thepisur malor, ka rrëshkitur nga lartësia e për pasojë ka humbur jetën.
Policia sqaron se turistja është identifikuar si Z.L 43 vjeçe. Trupi i saj pritet të transportohet me helicopter drejt morgut.
“Menjëherë pas marrjes së njoftimit, shërbimet e Komisariatit të Policisë Tropojë, së bashku me ekipin mjekësor të spitalit të Tropojës dhe ekipin e kërkim-shpëtimit, janë nisur bashkë me helikopterin e Emergjencave Civile, drejt adresës së dhënë.
Pas disa orësh kërkime nga shërbimet e Policisë, turistët u lokalizuan në vendin e quajtur “Maja e Jezerces”.
Turistja kroate, shtetasja Z. L., 43 vjeçe, për shkak të terrenit të thepisur malor, ka rrëshkitur nga një lartësi dhe për pasojë kishte humbur jetën.
Nga ekipi i kërkim-shpëtimit është bërë e mundur nxjerrja e trupit të pajetë dhe do transportohet me helikopter, drejt morgut”,- thuhet në njoftimin e Policisë.
