Teuta ka arritur të marrë tre pikë mjaft të rëndësishme në “Air Albania” duke mposhtur Tiranën me rezultatin 1-2.
Skuadra durrsake kishte një plan më të qartë loje përballë Tiranës, duke neutralizuar plotësisht sulmin kundërshtar, teksa u përpoq disa herë të godiste portën e Kozit.
Goli erdhi vetëm në fundin e pjesës së parë me anë të një veprimi mjeshtëror të Jazxhi. Ndërsa në fraksionin e dytë ishte Daci ai që gjeti rrugën drejt rrjetës, duke shënuar në minutën e 51’ dhe duke i dhënë siguri ekipit të trajnerit Martini.
Bardheblutë e Tiranës provoi të reagojë dhe në minutën e 90’ Lulaj realizoi dhe ngushtoi diferencën, por në fund ishin miqtë ata që festuan.
U duk se me fitoren ndaj Dinamos, Tirana do të dilte nga kriza, por tashmë me humbjen e sotme do të bëhet edhe më e vështirë situata për të kapur një vend në “Final Four”.
Me këtë humbje, bardheblutë mbajnë vendin e pestë me 39 pikë, ndërsa Teuta ngjitet në kuotën e 34 pikëve, në vendin e shtatë.
Ndërkohë, në ndeshjen tjetër të luajtur në “Loro Boriçi”, Vllaznia-Erzeni u mbyll në një barazim në shifrat 1-1.
Ishin shkodranët ata që gjetën të parët rrugën drejt rrjetës, me Balajn që zhbllokoi ndeshjen me golin e realizuar në minutën e 29’. Ndërsa pa u mbyllur pjesa e parë, Ezeni barazoi me Blazevic në minutën e 40’. Pavarësisht tentativave nga të dyja anët, fraksioni i dytë nuk solli më gola.]
Pas këtij takimi Vllaznia renditet në vend të dytë me 50 pikë, teksa Erzeni vuan në vend të nëntë me 28 pikë.
Më herët u luajt dhe ndeshja Egnatia-Kukësi, e cila u mbyll me rezultatin 1-0 për vendasit, ndërsa ditën e nesërme do të luhen dhe dy ndeshjet e tjera Dinamo-Skënderbeu dhe Laçi-Partizani.
