Personat që shihni në foto janë Skënder Vata dhe Jurges Luzi, dy të rinjtë nga Kamza që ranë në prangat e policisë këtë të premte pasi dyshohen për trafik droge nga SHBA drejt Tiranës.
Droga mësohet se porositej nga Kalifornia, ndërsa sipas policisë, kishte përqindje tepër të lartë THC.
Dyshohet se Skënder Vata ka qenë organizatori i skemës së futjes së drogës me postë. Vata kishte përfshirë Luzin, ku ky i fundit kishte rolin për të marrë lëndën narkotike nga posta.
Pakoja është dërguar me një emër të një personi tjetër me origjinë nga Korça, person i cili po verifikohet gjithashtu nga antidroga nëse është apo jo i përfshirë në këtë skemë.
