Raportuesja për Shqipërinë në Parlamentin Europian, Isabela Santos në një konferencë për mediat ka deklaruar se po ndjekin nga afër se si do të zbatohet ligji për Zonat e Mbrojtura, të miratuar së fundmi nga mazhoranca dhe të dekretuar nga presidenti Bajram Begaj, që i hap rrugë ndërtimeve dhe betonizemeve në këto zona, edhe pse është kundërshtuar nga organizatat mjedisore dhe delegacioni i Bashkimit Europian.
Gjithashtu, Santos tha se po ndjekin me vëmendje edhe lirinë e medias, po ashtu edhe sa i përket pronësisë dhe financimit të mediave.
“Po ndjekim nga afër ligjin për Zonat e Mbrojtura. Për të parë sesi zbatimi i këtij ligji të ri do të bëhet. Vëmendja jonë është e përqendruar edhe tek liria e mediave. Situata duhet të përmirësohet kur bëhet fjalë për mjedisin për gazetarët si dhe për tranparencën e pronësisë dhe financimit të mediave. Integrimi i pakicave është po kaq i rëndësishme është një temë e rëndësishme. Kjo është një çështje e rëndësishme ku duhet të ndërtojmë një shoqëri solidar edhe të fortë.” – tha Santos.
