Kryetari i Partisë së Lirisë Ilir Meta, ka folur këtë të martë për aferën e inceneratorëve.
I pyetur nga gazetarët lidhur me inceneratorin e Tiranës, Meta u shpreh se SPAK duhet të përgjigjet se ku shkruan 60 milionë euro të Inceneratorit të Tiranës, që i përmendi Ahmetaj në intervistën e dhënë.
Pyetje: Unë dua të pyes për një çështje të fundit, pasi SPAK i ka komunikuar zyrtarisht akuzat, ish-ministrit Arben Ahmetaj, Mirel Mërtiri dhe Klodian Zoto për çështjen e inceneratorëve. Duke qenë se kjo çështje është denoncuar shpesh herë nga opozita, nga ju vetë, për atë që e cilësoni si afera e djegësave, si e cilësoni ju të gjithe procesin hetimor nga SPAK. A jeni ju i kënaqur me këto rezultate?
Përgjigje: Ne prisnim ndonjë zhvillim për sa i takon akuzave ndaj ish-ministrit Ahmetaj, lidhur me pronarin faktik të inceneratorit të Tiranës, që janë bërë publike.
Prisnim ndonjë rezultat për ato 60 milionë euro që sipas tij, që pasdyshim ka pasur dijeni të plotë, sepse ka qenë numri dy i qeverisë dhe i financave, se ku kanë shkuar ato 60 milionë euro?
Që do të llahtariseshin dhe shqiptarët sipas tij, kur të merrnin vesh. Dhe natyrisht të gjithë presin veprime konkrete, që ndalojnë këtë aferë mafioze.
Ka sjellë dhe sjell dëme çdo sekondë për qytetarët e Tiranës dhe të mbarë Shqipërisë.
