Ne nisje te fjalmit te tij para protestuesve, lideri demokrat Sali Berisha ka deklaruar se monedha evropiane shkon pikiate ne vendin tone per shkak te droges dhe trafiqeve qe zhvillohen ne mase.
”Çdo njeri, çdo qytetar, çdo individ, ka interesa për të cilat ai motivohet, punon, djersin dhe përpiqet t’i realizojë.
Në qoftë se bëjmë një analizë të shkurtër, interesat e shqiptarëve shkelmohen sot nga ky regjim në mënyrën më të pamëshirë.
Interesat individuale të qytetarëve shqiptarë shkelmohen nga regjimi i Edi Ramës në mënyrën më të pamëshirë.
Miqtë e mi, prej një viti ky regjim ka vendosur në Shqipëri narkoeuron, monedhën evropiane të konvertuar në monedhë të konvertuar në monedhë të trafikantëve të drogës dhe krimit.
Nga droga dhe trafiqet, monedha evropiane nuk ngre krye në Shqipëri.
Rrëzohet këtu monedha e dytë më e fuqishme e planetit.
Mirëpo me këtë rrëzim e pëson xhepi, rroga, jeta e çdo shqiptari.
15 përqind janë mbyllur ndërmarrjet e eksportit. Me mijëra e mijëra qytetarë humbën vendet e punës.
Por mos harroni se në vit, emigracioni dërgon në Shqipëri familjarëve të vet rreth 1 miliard euro.
Secila dërgesë, kur vjen në Shqipëri ka humbur 20, 30 përqind të vlerës për shkak të narkoeurove.
Secili shqiptar që merr paratë që i dërgojnë familjarët e vet, merr 20, 30 përqind më pak se sa ato kanë vlerë aty ku nisen.”
