Kreu i grupit Parlamentar të PD-së, Gazment Bardhi nga Dibra ka deklaruar këtë të diel se ashtu si Evis Berberi, kreu i ARRSH, i cili u arrestua, edhe Drejtori i Tatimeve, Ceno Klosi e ka vendin në burg.
Gjatë takimit me demokratët në Dibër, Bardhi ka hedhur akuza se Ceno Klosi dhe Evis Berberi ishin dy personat që i mbronin shpatullat ministres Balluku duke i blerë vota në Dibër.
Bardhi: “Nëse do të masës qeverisjen e Ramës, shiko Rrugën e Arbrit. Rruga është gjysmë e shkatërruar, dhe e painuguruar. Paratë shkojnë te xhepat e ministrave dhe drejtorëve, që më pas me paratë e korrupsionit, vinë dhe blejnë dinjitetin e shqiptarëve të rrënuar.
Shembullin e keni në 14 maj. Kush ishin dy njerëzit që mbulonin shpatullat e Belinda Ballukut në Dibër? Evis Berberi, Drejtori i ARRSH, që me paratë e korrupsionit nuk la derë dibrani pa i blerë votën dhe Ceno Klosi, drejtori i famshëm i Tatimeve, që do të ketë fatin e të parit, shumë shpejt sepse çdo i korruptuar e ka vendin në burg. Ky është modeli që ka ngjallur Edi Rama. Skemën e ndihmës ekonomike në disa raste mund ta përdorë dhe për blerje votash, por varfëria është shtuar.”
