Pas tre paraqitjeve në SPAK dhe gjashtë muaj nën hetim intensiv, SPAK konfirmoi se kryebashkiaku i Himarës Jorgo Goro dyshohet se me firmën e tij dhe ndihmën e katër bashkëpunëtorëve, tjetërsoi pronat në favor të bashkëshortit të Olta Xhaçkës, Artan Gaçi.
Për këtë nga studio e MCN, foli analisti Ilir Kalemaj, i cili tha se arrestimi i tij ka ardhur për shkak të akuzave publike. Sipas Kalemajt, nga kampet e tjera politike flitet se ky arrestim ka ardhur për të krijuar një simetri me rastin Bejleri dhe për të zbutur marrëdhëniet me Greqinë.
Intervista:
-Z. Kalemaj fillimisht dua një koment për arrestimin e kryetarin në detyrë të Bashkisë Himarë, Jogo Goro?
Për shkak të akuzave publike që ka patur ndaj zotit Goro, besoj që kjo i kushtoj atij dhe besimin e elektoratit të Himarës kur humbi zgjedhjet. Nga ana tjetër mënyra si u bë, nga kampi tjetër thoshin që kjo ishte një mënyrë për të krijuar një simetri me rastin Bejleri.
Për të krijuar këtë lloj simetrie që Rama i jep Athinës për të zbutur marrëdhëniet, ndoshta ishte një lloj inskenimi.
Greqia nuk ka kërkuar arrestimin e Goros, ka kërkuar betimin e Bejlerit. Madje nuk ka kërkuar lirinë e tij dhe pafajësinë, por në mediat e tyre thuhet që drejtësia të vendos. Në deklaratat e tyre kanë qenë të kujdesshëm dhe kanë thënë që nuk duhet të ndalohet betimi i tij. Faktet që kemi parë deri tani nuk mendoj që do kemi ndonjë ndryshim për shkak të kësaj. Jo vetëm që nuk u shprehën të entuziazmuar për këtë, por e shohin si një mënyrë për të hequr vëmendjen nga Bejleri.
-Kreu i PDBNJ-së, Vangjel Dule ka reaguar në lidhje me arrestimin e kryebashkiakut në detyrë të Himarës, Jorgo Goro. Dule e cilësoi skenar të Ramës arrestimin, ndërsa theksoi se ishte ‘lëvizje marionetash në skenën e teatrit’ sa qëndron ku pretendim?
Ata e kanë pritur me shumë skepticizëm arrestimin e Goros. Të gjithë kanë shprehur të njëjtin shqetësim dhe kanë ngritur të njëjtat pikëpyetje. Mes tyre thuhet dhe se një prokuror që ka komunikuar akuzën për zotin Bejleri ishte i njëjti me këtë rast dhe ai linte të dyshonte se kjo është bërë me porosi në mënyrë që të sfumonte cështjen Bejleri.
-Në opinionin tuaj duke qenë se ai është në qeli tashmë për çështjen Gaçi, sa gjasa ka që, ai të flasë duke rënduar pozitën e bashkëshortit të, ish-ministres Olta Xhaçka, Artan Gaçi?
Ai është akuzuar për shpërdorim detyre dhe për një çështje banale, sepse bashkia në këtë rast është e fundit që kryen një hallkë dhe nuk i ngelit Goro ti jap këtë tokë Artan Gaçit si investitorë strategjikë dhe nuk kishte hallka të tjera të ndërmjetme më të rëndësishme nga pikëpamja e legjitimitetit për pronën. Raste të tilla mund të jenë bërë pafundësisht nga kryebashkikë të tjerë. Në këtë rast kjo është një çështje banale në raport me ato që ai akuzohet. Këto janë çështje që nuk rrezikojnë të sjellin ndonjë dënim të madh në lidhje me çfarë mund të jetë bërë. Këto janë më tepër mesazhe politike që bëhen dhe ndoshta me koncencusin e zotit Goro. Për të cilin më mirë të ketë një akuzë të tillë të lehtë sesa diçka tjetër.
-Mendoni se arrestimi i Jorogo Goros mund të ketë një lidhje me emërimin e Vangjel Tavos si prefekt i Vlorës?
Kur ka një seri rastësish natyrisht është e besueshme që të ketë diçka të vërtetë. Goro u paralajmërua të jepte dorëheqjen kohë më parë dhe ai nuk e dha dorëheqjen. Do ketë zgjedhje të reja dhe mendoj që do jetë kandidat. Kjo është një hipotezë e mundshme.
