Një 24-vjeçar shqiptar është dënuar me burg në Mbretërinë e Bashkuar, pasi është kapur duke punuar në një shtëpi bari.
Bëhet fjalë për shtetasin Ardi Pula, (në foto sipër), i cili është arrestuar nga policia në një shtëpi ku janë gjetur bimë kanabisi dhe thasë vakumi të klasit B.
Për hetuesit Pula ka deklaruar fillimisht, se punonte si pastrues, por mohoi të ishte banues brenda shtëpisë. Hetimet e mëtejshme zbuluan se ai kujdesej për bimët narkotike, dhe gjithashtu kishte dërguar më shumë se 6000 £ në Shqipëri.
Në seancën gjyqësore, pala mbrojtëse tha se si shumë shqiptarë, Pula kishte ardhur në Mbretërinë e Bashkuar ilegalisht me shpresën për të gjetur punë legjitime dhe nuk kishte ndërmend të kthehej në rrugën e krimit. Por më vonë shtoi avokati, Pula “ra në vështirësi ekonomike” dhe “u rekrutua” për të qëndruar në pronë dhe për t’u kujdesur për bimët ilegale.
Pavarësisht pretendimeve të palës mbrojtëse, gjykata ka caktuar 23 muaj burg për Pulën./YEP
