Dy persona janë arrestuar për veprën penale ‘dhunë në familje’ në Fier. Mësohet se një 59-vjeçar u vu në pranga pasi ka ushtruar dhunë fizike ndaj kushërirës. I arrestuari tjetër është një 22 vjeçar, i cili ka goditur fizikisht babain e tij. Ky i fundit është pajisur nga autoritetet me urdhër mbrojtjeje.
Ndërkohë një 38-vjeçar është shpallur në kërkim pasi ka kanosur dhe fyer motrën e tij nëpërmjet celularit.
“Specialistët për Hetimin e Krimeve të Komisariatit të Policisë Fier arrestuan në flagrancë shtetasin A. Dh., 59 vjeç, banues në fshatin Pishë Poro, pasi ka ushtruar dhunë ndaj kushërirës së tij.
Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin A. L., 22 vjeç, banues në Lushnjë, pasi ka ushtruar dhunë ndaj babait të tij, i cili u pajis me urdhër mbrojtjeje.
Specialistët për Hetimin e Krimeve të Komisariatit të Policisë Fier shpallën në kërkim shtetasin E. K., 38 vjeç, pasi dyshohet se nëpërmjet celularit, ka kanosur dhe fyer motrën e tij.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
