Një 35-vjeçar shqiptar, është arrestuar nga Policia në Itali pasi akuzohet se ka dhunuar dhe plagosur me thikë gruan e tij.
Mediat vendase shkruajnë se ngjarja ka ndodhur pasditen e djeshme (17 mars), në Ravello, ku një 35-vjeçari pasi përmbysi gjithë shtëpinë ku jetonte me partneren, dhunoi këtë të fundit dhe e goditi me thikë në dorë në sy të fëmijëve të vegjël, më i madhi 5 vjeç, më i vogli 18 muajsh.
Britmat dhe zhurma, të dëgjuara nga lagjja, shkaktuan ndërhyrjen e Policisë dhe ambulancës.
Nëna e 4 fëmijëve ndodhet në spital me plagë dhe mavijosje. Ajo u tregoi mjekëve se ishte dhunuar me shkelma dhe grushte.
Sakaq mësohet se 35-vjeçari shqiptar, tashmë i arrestuar, rezulton emër i njohur për autoritetet italiane.
