Një ngjarje e rëndë raportohet të ketë ndodhur në Itali. Një 50-vjeçar shqiptar ka goditur me makinë gruan dhe e ka dhunuar në mes të rrugës.
Ngjarja ka ndodhur në provincën e Alessandrisë, në rrugën Novi Ligure, ku shqiptari me profesion zdrukthtar , tentoi të shtypte gruan e tij 41-vjeçaren, gjithashtu shqiptare, duke e përplasur me lulet aty pranë. Në fund, sipas pamjeve, automjeti përplaset me një pemë. Ndërsa 41-vjeçarja ishte në tokë duke kërkuar ndihmë, burri ka zbritur nga automjeti dhe ka nisur ta godasë.
Ajo u shpëtua nga një rreshter policie në pension 71-vjeçar, i cili e kuptoi se çfarë po ndodhte dhe ndërhyri menjëherë për të ndaluar burrin. Sipas një rikonstruksioni fillestar, shkak ishte bërë një ndarje e mundshme mes çiftit, pasi gruaja kishte vendosur ta linte një javë më parë.
Një hetim është ngritur lidhur me rastin. Sakaq shqiptari është vënë në pranga për tentativë vrasje.
