Avokati Ylli Manjani, i ftuar në ‘A Show’ në SYRI TV, ka diskutuar për marrëveshjen e arritur sot nëpërmjet mazhorancës dhe opozitës.
Duke shprehur rezervat dhe kundërshtitë e tij në lidhje me marrëveshjen mes PS dhe PD-së, Manjani u shpreh se, kjo gjë pati edhe një të mirë, që ndërkombëtarët njohën më në fund edhe opozitën e vërtetë dhe liderët e saj.
“E vetmja gjë për tu vënë në spot është reagimi i BE-së dhe Ambasadës së SHBA. Deri më sot na thonin se ‘PD-ja zyrtare e Lulzim Bashës, e ‘varrosën’ Lulin sot. I lexove deklaratat, se çfarë thanë ata, bravo konsensus shumë i mirë. Berisha dhe Rama janë liderët e njohur edhe nga Amerika dhe nga BE-ja. Është diçka që duam nuk duam ne, e pranojnë më në fund se kush është opozita në këtë vend, pra e paska edhe një gjë të mirë”, tha Ylli Manjani në SYRI TV.
