Një episod i pazakontë është regjistruar në Pogradec, ku një drejtues automjeti ka kryer manovra të rrezikshme në zonë të banuar, duke u bërë rrezik për veten dhe përdoruesit e tjerë të rrugës.
Siç shihet edhe në videon e mëposhtme, që ka qarkulluar në rrjet, ai ka lënë mjetin në lëvizje dhe ka hipur mbi kabinën e mjetit.
Pas publikimit të pamjeve, autoritetet policore e kanl identifikuar drejtuesin e mjetit, ku bëhet fjalë për shtetasin M. M., 20 vjeç nga Pogradeci, i cili ështl gjobitur me 75 000 lekë, si dhe i është tërhequr leja e drejtimit,
“Nga verifikimet rezultoi se drejtuesi i automjetit, shtetasi M. M., 20 vjeç, banues në Pogradec, ka hipur mbi kabinën e automjetit, ka kryer manovra të rrezikshme dhe ka penguar qarkullimin, në zonë të banuar, ndërkohë që manovrat me timonin i ka kryer pasagjeri. Për kundërvajtjet e kryera, konkretisht për shkelje të neneve 126, 139 dhe 170 të Kodit Rrugor, shtetasi M. M. u ndëshkua me masë administrative 75 000 lekë. Gjithashtu, 20-vjeçarit iu tërhoq leja e drejtimit.” – thuhet në njoftimin e Policisë.
Drejtoria Vendore e Policisë Korçë apelon për të gjithë përdoruesit e rrugës, që të respektojnë rregullat e qarkullimit rrugor, me qëllim mbrojtjen e jetës dhe garantimin e sigurisë rrugore.
