Autoritetet në Itali kanë arrestuar një 39-vjeçar shqiptar pasi është kapur me 10 kilogramë heroinë dhe 670 gramë kokainë.
Mediat vendase shkruajnë se shqiptari është kapur në zonën e Via Dei Gigli teksa ishte duke udhëtuar me makinë. Policia ka vënë re disa lëvizje të dyshimta dhe ka ndaluar shqiptarin për një kontroll, dhe nga nervozizmi i tij kanë nisur dyshimet. Policia më pas ka ushtruar kontrollet edhe në automjet ku është gjetur edhe lënda narkotike.
Gjthashtu autoritetet kanë zbuluar edhe një bodrum në pronësi të shqiptarit që e përdorte për të depozituar drogën. Brenda tij janë gjetur katër mbështjellës me 670 gramë kokainë, shtatë mbështjellës me 2.3 kg heroinë, një prerëse, një blender, katër peshore dhe material paketimi.
