Napoli nuk shkoi me shumë se barazimi 1-1 në shtëpi ndaj Torinos, në sfidën e zhvilluar mbrëmjen e sotme, të vlefshme për javën e 28-të të Serisë A.
Të kaltrit kaluan të parët në avantazh me anë të Kvaratskhelias në minutën e 61-të, ndërkohë që festa e vendasve zgjati vetëm 3 minuta, kur në minutën e 64-t, Sanabria do të gjente golin e barazimit.
Pavarësisht përpjekjeve të shumta, rezultati në vijim mbeti i pandryshuar.
Ky ishte barazimi i tetë në kampionat për kampionët në fuqi të Serisë A, ndërkohë që për miqtë e Torinos ishte i 11-t.
Duelin e radhës Napoli do e luajë në transfertë ndaj Interit në datën 17 mars.
