Dy persona, vëllezër me njeri-tjetrin, kanë mbetur të plagosur në Çukas te Fier-Sheganit (Lushnje) këtë të mërkurë, pas një sherri mes tyre.
Burime nga policia lokale thanë se vëllezërit Nazif e Haziz Musaj, rreth 70 dhe 77 vjeç, janë përfshirë në një konflikt me njeri-tjetrin, ku dyshohet se është qëlluar edhe me armë zjarri. Në vendngjarje është gjetur edhe një sëpatë, që dyshohet të jetë përdorur në sherr.
Arsyeja e konfliktit mes dy vëllezërve mendohet të jetë një konflikt pronësie.
Të dy janë transportuar për në spital për të marrë ndihmë mjekësore. Në gjendje më të rëndë është i plagosuri me armë zjarri.
Sherri
Policia njoftoi se rreth orës 08:00, në fshatin Çukas i Vjetër, dyshohet se për shkak të konflikteve për motive pronësie, Haziz Musaj ka goditur me sopatë vëllanë e tij, shtetasin Nazif Musaj, rreth 77 vjeç, ndërsa ky i fundit ka plagosur tjetrinme armë zjarri pistoletë.
Të dy të dëmtuarit janë transportuar në spital, ku janë në kujdesin e mjekëve. Aktualisht, Haziz Musaj, i cili është qëlluar me armë zjarri, është në gjendje të rëndë shëndetësore.
“Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit. Grupi hetimor po punon për të dokumentuar me prova ligjore rrethanat e rastit”, njoftoi policia.
Lexo edhe:
E Mërkura nis me plumba, 1 i vdekur dhe dy të plagosur në Lushnje dhe Lezhë
