Policia ka zbardhur ngjarje e regjistruar pasditen e djeshme tek “Kryqëzimi i Tushemishtit” në Pogradec, ku mbeti i plagosur 27-vjeçari Alted Jolldashi nga fshati Buçimas i qyteti liqenor.
Autoritet bëjnë me dije se kanë arrestuar dhe të plagosurin Alted Jolldashi, të cili i është komunikuar masa e arrestit në spitalin e Traumës në Tiranë, ku po merr ndihmë mjekësore. Sipas uniformave blu, edhe ai ka qëlluar me armë zjarri gjatë konfliktit për motive të dobëta me dy personat e tjera.
Ndërkohë, ditën e djeshme, pas negociatave me familjarët u vetëdorëzuan në komisariat disa orë pas ngjarjes edhe dy autorët Deis Meko, 32 vjeç dhe Kristo Lotis, 27 vjeç.
Policia bën me dije se ka sekuestruar armën e zjarrit pistoletë me të cilën ka qëlluar i plagosuri Alted Jolldashi, si dhe është sekuestruar edhe një revolver me mulli me të cilën ka qëlluar Kristo Lotis.
Materialet procedurale i kaluan Prokurorisë së Korçës për veprime të mëtejshme.
