Ka përfunduar punimet Samiti Rajonal për Planin e Rritjes i zhvilluar ditën e sotme në Tiranë i drejtuar nga Edi Rama dhe Komisionari Evropian për Zgjerim Oliver Varhelyi.
Liderët dhe delegatët e pranishëm në Samit kanë zhvilluar foton familjare të Samitit në hyrje të Pallatit të Kongreseve.
Siç shihet edhe në fotoe, i pranishëm është edhe Alex Soros, djali i miliarderit George Soros.
Kujtojmë se Alex Soros, i cili tashmë është bërë president i Fondacionit të “Shoqërisë së Hapur”, vjen shpesh në Tiranë ku takohet me kryebashkiakun Erion Veliaj dhe kryeministrin Edi Rama. Madje, ai ka qenë i pranishëm edhe në ditëlindjen e kryeministrit Edi Rama.
