Dy persona janë arrestuar nga Policia në Elbasan, dhe pesë të tjerë janë proceduar penalisht pasi akuzohen për vepra të ndryshme penale.
Policia bën me dije se në pranga ka rënë një 33 vjeçar dhe një 38 vjeçar pasi u kapën duke drejtuar motorat pa leje drejtimi.
Një 28 vjeçar është proceduar pasi ditën e djeshme ka përplasur me automjetin e tij një 42 vjeçar që lëvizte me biçikletë.
Nën hetim janë vënë edhe një 38 vjeçar dhe dy 17 vjeçare pasi dyshohet se për motive të dobëta, janë konfliktuar fizikisht me njëri-tjetrin.
Gjithashtu një 41 vjeçar, banues në Rodovesh, u vu nën hetim pasi ka ushtruar dhunë psikologjike ndaj bashkëshortit të motrës së tij.
