Ish-kandidati i opozitës për Bashkinë e Kuçovës, Lefter Maliqi ka denoncuar përmes një postimi në rrjetet sociale, se ditën kur banorët e fshatit Velagosht protestonin para Bashkisë së Kuçovës, Krershnik Hajdari, edhe pse e kishte braktisur zyrën, kishte lënë aty sekretarët patronazhistë që vrojtonin, spiunonin dhe inçizonin protestuesit.
Në lidhje me dënimin e GJKKO-së me 150 orë publike ndaj Hadarit, Maliqi shprehet se kryebashkiaku i Kuçovës nuk po i kryen, pasi është çdo ditë në Kuçovë dhe jo në Skrapar, për të pastruar Bibliotekën.
Maliqi paralajmëron më tej Kreshnik Hajdarin se koha e tij ka mbaruar dhe se fundin do e ketë të hidhur.
Reagimi i plotë:
Skandal!
Zyra e braktisur nga i dënuari Hajdari, ‘pengu’ i ish fatorinos Salillari, ditën e protestës së banorëve fisnikë e kurajozë të Velagoshtit, kthehet në ‘zyrë vrojtimi’, spiunazhi dhe inçizimi nga patronazhistë sekretare apo punonjëse të Bashkisë; besnike të Hajdarit deshtak e frikacak, ndaj banorëve të tij duke rrethuar Bashkinë e tyre me Policë!
Hajdar me karrige të dhuruar dhe të grabitur më “14 Maj”, i paaftë dhe i kapur nga grupi kriminal i strukturuar, që abuzojnë me taksat e qytetarëve, me tendera korruptivë, të kallëzuar në “SPAK”. Hajdar ku po e kryen “Shërbimin e Provës”, 150 orë pune fshehurazi me mik? Duke marrë mëqafë “Drejtorinë e Shërbimit të Provës” në Berat, pasi çdo ditë je në Kuçovë dhe jo në Skrapar siç flitet, se je vendosur të pastrosh “Bibliotekën”.
Do të bëje mirë të merrje lopatën dhe të punojë 150 orë dënim nga Gjykata, tek rruga dhe kanalet e Velagoshtit, ose tek rrugët në Luzaj, Belesovë, Mendrakë, Bardhaj, Zdravë, Fier Nimar etj.; ose pastro rrugët dhe varrezat e Kuçovës gjithë plehra, ose merru me qentë e rrugës dhe lagjeve që ke mbushur Kuçovën, ose pastro tregun dhe banjot në treg, si në Mesjetë ose pastro Muzeun e kthyer në germadhë etj etj.
Koha jote ka mbaruar! Ti nuk paske fare as turp as cipë! Të mbajnë me zor ‘Kryetar kukull’, për intetesat e ish fatorinos dhe 3-4 të tjerëve, që u ngopën me paratë e taksat e qytetarëve të Kuçovës, madje dhe me pronat e tyre!
Të garantoj që fundin do e kesh të hidhur dhe pas këtij fundi, mos u fshih dhe mos u largo nga Kuçova, se do përgjigjesh kudo që të shkosh për dëmin e pakthyeshëm, jo vetëm ekonomik por edhr moral që i bëre qytetarëve dhe Bashkisë Kuçovë! Turp!
