Skënderbeu ka arritur të marrë një fitore mjaft të rëndlsishme në Korçë, duke mposhtur minimalisht 1-0 kampionët në fuqi të Partizanit.
Ndeshja u vendos nga një 11-metërsh, ku Sembene preku topin me dorë, pas një krosimi të Emir Rashicës. Nga pika e bardhë nuk gaboi Dean Liço, duke e çuar topin në rrjetë përballë Alban Hoxhës.
Pas një pjese të parë të dominuar nga korçarët, e dyta ishte një tjetër histori. Partizani domino fraksionin e dytë të lojës, duke krijuar disa raste shënimi, por pa sukses.
Me shkallët e stadiumit të mbushura, tensioni nuk mungoi në fushën e blertë. Në minutën e ’88 të takimit Arinaldo Rrapaj u përlesh me njëri-tjetrin, ku shkaktoi dhe përfshirjen e lojtarëve të tjerëve. Dy protagonistët e sherrit u ndlshkuan me kartona të kuq, ku të dy ekipet e mbyllën ndeshjen me 10 lojtarë.
Por, nuk mjaftoi vetëm. Pasi gjyqtari njoftoi mbylljen e ndeshjes, Marko Alia u sul drejt Buxhelajt, duke shkaktuar një përplasje masive, mes lojtarëve të dy ekipeve. Portieri i Skënderbeut u ndëshkua me karton të verdhë.
Fitore e madhe për juglindorët, të cilët kanë grumbulluar 9 pikë në 4 sfidat e fundit në Superiore. Dhe tani numërojnë 34 pikë, po aq sa Tirana e cila nesër luan me Laçin dhe përkohësisht 1 pikë larg zonës “Final Four”.
Humbja e pestë në kampionat për skuadrën e Orges Shehit, që vinte nga një moment i mirë pas fitoreve në derbi (kampionat) dhe ndaj Kukësit (Kupë).
Fakti tjetër që vlen të përmendet është se Partizani, në tre ndeshje në këtë kampionat deri më tani përballë Skënderbeut, ka arritur të marrë vetëm një barazim dhe dy humbje.
