Sparta e Pragës ka mposhtur Galatasaray me rezultatin 4-1, sfida e kthimit për një biletë në 1/16-t e Europa League.
Në fillim ishin vendasit që kaluan në avantazh me Preciado në minutën e 8’, por më pas turqit barazuan me Bardakci në minutën e 16’.
Në pjesën e dytë, Sparta e Pragës ishte më e vendosur. Në minutën e 74’ kaluan në avantazh me Indrit Tucin, ndërsa në të 80’ shënuan edhe golin e tretë me Haraslin, pas asistit të talentit lezhjan, Tuci.
Të katërtin e shënoi Kutcha në minutën e 96′ edhe në këtë gol i përfshirë ishte një tjetër futbollist shqiptar, Qazim Laçi që dha pasin e fundit.
Kështu, Sparta eliminon Galatasaray me rezultat të përgjithshëm 6-4.
Në ndeshjet e tjera, Roma dhe Feyenoord shkojnë në shtesë (Europa League), teksa ashtu si ndeshje e parë, edhe takimi i dytë përfundoi 1-1. Nën prezencën e 67,293 tifozëve, ndeshja nisi me ritëm të lartë.
Gimenez realizoi në portën e skuadrës italiane që në minutën e pestë, gol për t’u cilin u desh edhe verifikimi nga ana e VAR.
Një goditje perfekte nga distanca e Pellegrinit “shkundi merimangat” e portës holandeze, në minutën e 15-të. Të besuarit e De Rossit shtuan presionin dhe në të 37-tën ishte Karsdorp që provoi të përmbysë ndeshjen, por topi shkoi mbi traversë. Pjesa e dytë nuk prodhoi gol, me skuadrat që iu drejtuan shtesës.
Sporting bën detyrën, teksa sonte nuk e vendosi aspak në diskutim kualifikimin. Portugezët fituan 3-1 në aktin e parë ndaj Young Boys, ndërsa sonte në Estádio José Alvalade (Lisbon), takimi përfundoi 1-1.
