Teuta dhe Tirana përballen sot në një ndeshje shumë delikate në çerekfinalet e Kupës së Shqipërisë. Të dy skuadrat e shohin me shumë interes këtë turne, pasi mund të jetë një biletë e tyre për Europën.
Teuta vjen në këtë sfidë me dëshirën për të marrë një rezultat që ta ndihmojë për kualifikimin, pasi kjo është e vetmja mënyrë për të shkuar në Europë meqë në kampionat e ka të pamundur të arrijë në zonën e “Final Four”.
Ndërsa për Tiranën, kjo duhet të jetë një pikë kthese pas derbit, sidomos pas largimit të trajnerit Julian Ahmataj, teksa Erbim Fagu është emri i cili do të drejtojë bardheblutë në vijim.
FORMACIONET ZYRTARE
Teuta: Vata, Jazxhi, Gjini, Gjinollari, Arifi, Beqja, Kruja, Peposhi, Lloci, Çyrbja, Daci.
Trajner: Edi Martini
Tirana: Kozi, Mici, Lulaj, Hoxhallari, Përgjoni, Meta, Haxhiu, Jonuzi, Lushkja, Abazaj, Nikqi.
Trajner: Erbim Fagu
