Kryetari i Komisionit të Prokurimit Publik (KPP), Jonaid Myzyri, është paraqitur mëngjesin e kësaj të marte në Prokurorinë e Posaçme.
Myzyri është marrë në pyetje nga organi i akuzës për rreth dy orë. Në daljen e tij nga SPAK, kreu i KPP ka refuzuar të japë një deklaratë për media, apo të përgjigjet mbi arsyet pse u thirr në Prokurorinë e Posaçme.
Megjithatë, burime pranë SPAK bëjnë me dije se ai u thirr lidhur me hetimet që kanë nisur mbi disa procedura tenderuese në në të cilat KPP ka vendosur fituesin pas ankimeve.
Të njëjtat burime thanë se ka dyshime për marrëvevshje të fshehta mes Jonaid Myzyrit dhe firmave që KPP e drejtuar prej tij i ka shpallur fituese në tendera.
Mësohet se mbi 20 praktika tenderuese janë në në verifikim nga prokuroria.
Jonaid Myzyri ka marrë drejtimin e Komisionit të Prokurimit Publik katër vite më parë.
Që prej asaj kohe, Boldnews ka raportuar se si Jonaid Myzyri ka dhënë disa vendime në favor të kompanive “Alko Impekst General” dhe “Alko Impeks”, në pronësi të Arbër Abazit.
Para emërimit në krye të KPP-së, Jonaid Myzyri ka punuar si jurist pikërisht te “Alko Impeks”.
Lexo edhe:
Skema Jonaid Myzyri-Abazi/ KPP i jep 13 milion euro tendera “Alko Impex”
Gjykata zbulon skemën e tenderave mes Jonaid Myzyrit të KPP dhe “Alko Impeks” (Vendimi)
Skemë korrupsioni mes Myzyrit dhe Abazit? KPP i jep të gjithë tenderat e ankimuar “Alko Impex”
