Nga Mynihu i Gjermanisë, ku u zhvilluan punimet e Konferencës së Sigurisë kryeministri Edi Rama tha se shpreson që vendi jonë të shkëputet nga Maqedonia e Veriut në procesin e integrimit ndërkohë që nënvizoi se rrugëtimi i Shqipërisë në BE fillon nga kryerja e detyrave duke mos pritur për një datë.
Këto deklarata të nënvizuara me shumë batuta, në analizën e tij, politologu Ilir Kalemaj, i ftuar në “MCN live”, i sheh të thëna në mungesë koherence deri në kufijtë e gafave.
“Ballkani Perëndimor pothuajse nuk u përmend. Pati nja dy takime, paneli me z,Rama dhe presidenti Pendarovski dhe Presidenti i ri i Malit të Zi, Milatovic, por kjo ishte më shumë në kuadër të klisheve, dhe z,Rama mundohet të prodhojë lajm aty ku nuk ka lajm. Me këto batutat që i bëri për Greqinë duke ironizuar ne një farë mënyre.
Në kohen që flitet për prag lufte nga krerët e shteteve, ndërkohë qe po armatoset e gjithë Evropa, dhe ndërkohë që Rama hyn aty me ca batuta. Unë u mundova të lexojë dhe të kuptoj diçka por ishte një lloj përçapje kur thoshte p.sh., që Mali i Zi kërcënohet por aty nuk ka ndërmend ta pushtoje njeri at do vijnë turiste për plazh, në krah të presidentit të Malit të zi, i thoshte, të bësh batuta me një situatë kaq dramatike ne lidhje me zhvillimet e pritshme.
Foli ne emër te z,.Trump, dikur bënte orakullin e pafat dhe ishte Hilary Clinton qe do zgjidhet dhe u tall me kandidaturën e Trump, ndërkohë tani thotë se persa kohe ishe Trump ne pushtet vetëm sa u fuqizua. Pra janë disa deklarata të tij që kanë mungesë koherencë ne te shkuarën dhe shkojnë deri në kufijtë e gafave të thëna publikisht, në forume te tilla kaq serioze siç është Forumi i Munihut”.
Politologu Kalemaj, rëndit shkaqet se pse kryeministri Edi Rama, i bën këto deklarata në kuadër të batutave.
“E gjitha për mendimin tim bëhet për shkak si rezultat i mos leximit të situatës, qoftë botërore, qofte evropianë, qoftë ballkanike, por, behet edhe për shkak të një protagonizmi të Ramës për të bërë lajme në mëmëdhe që ato titrat e mediave ne Shqipëri, për konsum të brendshëm”.
Kryeministri Rama nuk kurseu batutat dhe ironitë në Forumin e Mynihut kur u pyet nëse Greqia do të jetë pengesë. Sipas Kalemaj, këto shigjetime në distancë janë mese të tepruara.
“E teproi edhe me deklarata që ishin me serioze, ndërkohë që sot flitet për fuqi të treta malinje, për ndërhyrje të forta të shteteve të caktua në Ballkanin Perëndimor, kur Shqipëria po ballafaqohet me një sulm kibernetike të paprecedent dhe nga ana tjetër e mbyll me batutat pa kuptim ndaj Greqisë, sepse këto shigjetime mund të merrnin vlerë nëse do kishte palë tjetër përballë dhe nëse do kishte vlerë, por këto shigjetime ne distancë me duken të tepruara nga Rama në këtë situatë”.
